سخن سخن وہی گویا دکھائی دیتا ہے

سخن سخن وہی گویا دکھائی دیتا ہے

قبائے سرخ میں کیا ہے کہ دیکھتے رہئے

وہ ہر لباس میں اچھا دکھائی دیتا ہے

بہت قریب نہ آؤ میں آئنہ ہی سہی

بہت قریب سے دھندلا دکھائی دیتا ہے

یہ کیا ستم ہے کہ بستی کے ایک ہی گھر میں

کئی گھروں کا اجالا دکھائی دیتا ہے

کوئی خیال نہ صورت نہ ذائقہ نہ پکار

بس ایک وہم گزرتا دکھائی دیتا ہے

خزاں کی دھوپ میں میں نے کہا نہ تھا کہ مجھے

ہرا بھرا کوئی سایہ دکھائی دیتا ہے

کسی کے ہاتھ میں کاسہ نہیں مگر عاصمؔ

ہر ایک ہاتھ میں کاسہ دکھائی دیتا ہے

sukhan sukhan wahi goya dikhai deta hai

qaba-e-surkh mein kya hai ke dekhte rahiye

wo har libas mein achchha dikhai deta hai

bahut qarib na ao mein aina hi sahi

bahut qarib se dhundla dikhai deta hai

ye kya sitam hai ke basti ke ek hi ghar mein

kai gharon ka ujala dikhai deta hai

koi khayal na surat na zaiqa na pukar

bas ek wahm guzarta dikhai deta hai

khizan ki dhup mein main ne kaha na tha ke mujhe

hara bhara koi saya dikhai deta hai

kisi ke hath mein kasa nahin magar asim

har ek hath mein kasa dikhai deta hai