صورت موج سمندر میں کہاں سے آیا

صورت موج سمندر میں کہاں سے آیا

میں مسافر کی طرح گھر میں کہاں سے آیا

خواہش خود نگری سبز ہوئی کس رت میں

آئینہ دست سکندر میں کہاں سے آیا

سر دریچوں سے نکل آئے صدا سنتے ہی

یہ ہنر تیرے گداگر میں کہاں سے آیا

مرکز گل تھا سو اب خاک نظر آتا ہے

یہ تغیر مرے بستر میں کہاں سے آیا

میری راتیں بھی سیہ دن بھی اندھیرے میرے

رنگ یہ میرے مقدر میں کہاں سے آیا

کس نے کھینچا مری تنہائی کا نقشہ عاصمؔ

دشت اس شہر کے منظر میں کہاں سے آیا

surat-e-mauj samundar mein kahan se aya

main musafir ki tarah ghar mein kahan se aya

khwahish khud nagri sabz hui kis rut mein

aina dast-e-sikandar mein kahan se aya

sar darichon se nikal ae sada sunte hi

ye hunar tere gadagar mein kahan se aya

markaz-e-gul tha so ab khak nazar ata hai

ye taghayyur mire bistar mein kahan se aya

meri raten bhi siyah din bhi andhere mere

rang ye mere muqaddar mein kahan se aya

kis ne khincha miri tanhai ka naqsha asim

dasht is shahr ke manzar mein kahan se aya