دشت کی تیز ہواؤں میں بکھر جاؤ گے کیا

دشت کی تیز ہواؤں میں بکھر جاؤ گے کیا

ایک دن گھر نہیں جاؤ گے تو مر جاؤ گے کیا

پیڑ نے چاند کو آغوش میں لے رکھا ہے

میں تمہیں روکنا چاہوں تو ٹھہر جاؤ گے کیا

یہ زمستان تعلق یہ ہوائے قربت

آگ اوڑھوگے نہیں یوں ہی ٹھٹھر جاؤ گے

یہ تکلم بھری آنکھیں یہ ترنم بھرے ہونٹ

تم اسی حالت رسوائی میں گھر جاؤ گے کیا

لوٹ آؤ گے مرے پاس پرندے کی طرح

مری آواز کی سرحد سے گزر جاؤ گے کیا

چھوڑ کر ناؤ میں تنہا مجھے عاصمؔ تم بھی

کسی گمنام جزیرے پہ اتر جاؤ گے کیا

dasht ki tez hawaon mein bikhar jaoge kya

ek din ghar nahin jaoge to mar jaoge kya

per ne chand ko aghosh mein le rakha hai

main tumhen rokna chahun to thahar jaoge kya

ye zamistan-e-taalluq ye hawa-e-qurbat

ag orhoge nahin yun hi thithar jaoge

ye takallum bhari ankhen ye tarannum bhare hont

tum isi halat-e-ruswai mein ghar jaoge kya

laut aoge mire pas parinde ki tarah

miri awaz ki sarhad se guzar jaoge kya

chhor kar nao mein tanha mujhe asim tum bhi

kisi gumnam jazire pe utar jaoge kya