کشت امید بارور نہ ہوئی

کشت امید بارور نہ ہوئی

لاکھ سورج اگے سحر نہ ہوئی

ہم مسافر تھے دھوپ کے ہم سے

ناز برداریٔ شجر نہ ہوئی

مجھ کو افسوس ہے کہ تیری طرف

سب نے دیکھا مری نظر نہ ہوئی

گھر کی تقسیم کے سوا اب تک

کوئی تقریب میرے گھر نہ ہوئی

نام میرا تو تھا سر فہرست

اتفاقاً مجھے خبر نہ ہوئی

جانے کیا اپنا حال کر لیتا

خیر گزری اسے خبر نہ ہوئی

kisht-e-ummid barwar na hui

lakh suraj uge sahar na hui

ham musafir the dhup ke ham se

naz bardari-e-shajar na hui

mujh ko afsos hai ke teri taraf

sab ne dekha miri nazar na hui

ghar ki taqsim ke siwa ab tak

koi taqrib mere ghar na hui

nam mera to tha sar-e-fehrist

ittifaqan mujhe khabar na hui

jane kya apna hal kar leta

khair guzri use khabar na hui