عاجز تھا بے عجز نبھائی رسم جدائی میں نے بھی
Liyaqat Ali Aasim (1951–2019)عاجز تھا بے عجز نبھائی رسم جدائی میں نے بھی
اس نے مجھ سے ہاتھ چھڑایا جان چھڑائی میں نے بھی
جنگل کے جل جانے کا افسوس ہے لیکن کیا کرنا
اس نے میرے پر گرائے آگ لگائی میں نے بھی
اس نے اپنے بکھرے گھر کو پھر سے سمیٹا ٹھیک کیا
اپنے بام و در پہ بیٹھی گرد اڑائی میں نے بھی
نوحہ گران یار میں یاروں میرا نام بھی لکھ دینا
اس کے ساتھ بہت دن کی ہے نغمہ سرائی میں نے بھی
ایک دیا تو مرقد پر بھی جلتا ہے عاصمؔ آخر
دنیا آس پہ قائم تھی سو آس لگائی میں نے بھی
ajiz tha be ijz nibhai rasm-e-judai main ne bhi
us ne mujh se hath chhuraya jan chhurai main ne bhi
jangal ke jal jane ka afsos hai lekin kya karna
us ne mere par girae ag lagai main ne bhi
us ne apne bikhre ghar ko phir se sameta thik kiya
apne bam-o-dar pe baithi gard urai main ne bhi
nauha garin yar mein yaron mera nam bhi likh dena
us ke sath bahut din ki hai naghma sarai main ne bhi
ek diya to marqad par bhi jalta hai asim akhir
duniya as pe qaim thi so as lagai main ne bhi