کہیں ایسا نہ ہو دامن جلا لو

کہیں ایسا نہ ہو دامن جلا لو

ہمارے آنسوؤں پر خاک ڈالو

منانا ہی ضروری ہے تو پھر تم

ہمیں سب سے خفا ہو کر منا لو

بہت روئی ہوئی لگتی ہیں آنکھیں

مری خاطر ذرا کاجل لگا لو

اکیلے پن سے خوف آتا ہے مجھ کو

کہاں ہو اے مرے خوابو خیالو

بہت مایوس بیٹھا ہوں میں تم سے

کبھی آ کر مجھے حیرت میں ڈالو

kahin aisa na ho daman jala lo

hamare ansuon par khak dalo

manana hi zaruri hai to phir tum

hamen sab se khafa ho kar mana lo

bahut roi hui lagti hain ankhen

miri khatir zara kajal laga lo

akele pan se khauf ata hai mujh ko

kahan ho ai mire khwabo khayalo

bahut mayus baitha hun main tum se

kabhi a kar mujhe hairat mein dalo