کوئی آس پاس نہیں رہا تو خیال تیری طرف گیا

کوئی آس پاس نہیں رہا تو خیال تیری طرف گیا

مجھے اپنا ہاتھ بھی چھو گیا تو خیال تیری طرف گیا

کوئی آ کے جیسے چلا گیا کوئی جا کے جیسے گیا نہیں

مجھے اپنا گھر کبھی گھر لگا تو خیال تیری طرف گیا

مری بے کلی تھی شگفتگی سو بہار مجھ سے لپٹ گئی

کہا وہم نے کہ یہ کون تھا تو خیال تیری طرف گیا

مجھے کب کسی کی امنگ تھی مری اپنے آپ سے جنگ تھی

ہوا جب شکست کا سامنا تو خیال تیری طرف گیا

کسی حادثے کی خبر ہوئی تو فضا کی سانس اکھڑ گئی

کوئی اتفاق سے بچ گیا تو خیال تیری طرف گیا

ترے ہجر میں خور و خواب کا کئی دن سے ہے یہی سلسلہ

کوئی لقمہ ہاتھ سے گر پڑا تو خیال تیری طرف گیا

مرے اختیار کی شدتیں مری دسترس سے نکل گئیں

کبھی تو بھی سامنے آ گیا تو خیال تیری طرف گیا

koi as pas nahin raha to khayal teri taraf gaya

mujhe apna hath bhi chhu gaya to khayal teri taraf gaya

koi a ke jaise chala gaya koi ja ke jaise gaya nahin

mujhe apna ghar kabhi ghar laga to khayal teri taraf gaya

miri be kali thi shaguftagi so bahar mujh se lipat gai

kaha wahm ne ke ye kaun tha to khayal teri taraf gaya

mujhe kab kisi ki umang thi miri apne ap se jang thi

hawa jab shikast ka samna to khayal teri taraf gaya

kisi hadse ki khabar hui to faza ki sans ukhar gai

koi ittifaq se bach gaya to khayal teri taraf gaya

tire hijr mein khur-o-khwab ka kai din se hai yahi silsila

koi luqma hath se gir para to khayal teri taraf gaya

mire ikhtiyar ki shiddaten miri dastaras se nikal gain

kabhi tu bhi samne a gaya to khayal teri taraf gaya