گنگناتی ہوئی آواز کہاں سے لاؤں

گنگناتی ہوئی آواز کہاں سے لاؤں

تیری آواز کا انداز کہاں سے لاؤں

تیرے الطاف سے رقصاں ہیں لبوں پر خوشیاں

غم میں ڈوبی ہوئی آواز کہاں سے لاؤں

حال دل پھول سے چہروں کو سنانے کے لئے

میں لب زمزمہ پرواز کہاں سے لاؤں

مجھ سے ہنس ہنس کے تری مشق ستم ہوتی ہے

تجھ سا مونس بت طناز کہاں سے لاؤں

شومیٔ بخت ہے یہ چرخؔ کہ وہ کہتے ہیں

میں مسیحائی کا انداز کہاں سے لاؤں

gungunati hui awaz kahan se laun

teri awaz ka andaz kahan se laun

tere altaf se raqsan hain labon par khushiyan

gham mein dubi hui awaz kahan se laun

hal-e-dil phul se chehron ko sunane ke liye

main lab-e-zamzama parwaz kahan se laun

mujh se hans hans ke tiri mashq-e-sitam hoti hai

tujh sa munis but-e-tannaz kahan se laun

shumi-e-bakht hai ye charkh ke wo kahte hain

main masihai ka andaz kahan se laun