یہ دل فریب تمنا میں بے قرار کیا

یہ دل فریب تمنا میں بے قرار کیا

یہی ہے جرم جسے ہم نے بار بار کیا

نہ ہم نے سود و زیاں دیکھ کر محبت کی

نہ نفرتوں کا کبھی ہم نے کاروبار کیا

شکستہ روح سلگتی نگہ دل مہجور

نہ پوچھ کیسے ہر اک زخم کا شمار کیا

ترے جمال نظر نے دیا فریب ہمیں

اسی فریب نظر نے ہے اشک بار کیا

نوائے صبح ازل تیری چاہ میں ہم نے

نہ پوچھ دشت خموشاں کو کیسے پار کیا

نظر نہ آئی حقیقت مجاز کی صورت

نگاہ شوق نے پیہم یہ انتظار کیا

گری تھی برق تجلی جو قلب پر میرے

اسی نے راز حقیقت کو آشکار کیا

سحر کی آس میں گزری صباؔ یہ عمر تمام

حریم زیست کا ظلمت نے یوں حصار کیا

ye dil fareb-e-tamanna mein be qarar kiya

yahi hai jurm jise ham ne bar bar kiya

na ham ne sud-o-ziyan dekh kar mohabbat ki

na nafraton ka kabhi ham ne karobar kiya

shikasta ruh sulagti nigah dil-e-mahjur

na puchh kaise har ik zakhm ka shumar kiya

tire jamal-e-nazar ne diya fareb hamen

isi fareb-e-nazar ne hai ashk bar kiya

nawa-e-subh-e-azal teri chah mein ham ne

na puchh dasht-e-khamoshan ko kaise par kiya

nazar na ai haqiqat majaz ki surat

nigah-e-shauq ne paiham ye intizar kiya

giri thi barq-e-tajalli jo qalb par mere

usi ne raz-e-haqiqat ko ashkar kiya

sahar ki as mein guzri saba ye umr tamam

harim-e-zist ka zulmat ne yun hisar kiya