مری حیات کو یوں پائمال اس نے کیا

مری حیات کو یوں پائمال اس نے کیا

کہ میرا درد سے رشتہ بحال اس نے کیا

وہ بے وفائی کو کار کمال کہتا تھا

پھر ایک روز یہ کار کمال اس نے کیا

شکار ہجر مجھے کر گیا وہ اک پل میں

کہ میری زیست کے پل پل کو سال اس نے کیا

جواب کوئی بھی جب بن نہیں سکا اس سے

مرے سوال پہ الٹا سوال اس نے کیا

چھری کو تیز بہت تیز کر کے لایا وہ

عجیب ڈھنگ سے میرا خیال اس نے کیا

عمیرؔ اس سے فراوانیاں جو مانگیں تو

جدائیوں سے مجھے مالا مال اس نے کیا

miri hayat ko yun paimal us ne kiya

ke mera dard se rishta bahal us ne kiya

wo be wafai ko kar-e-kamal kahta tha

phir ek roz ye kar-e-kamal us ne kiya

shikar hijr mujhe kar gaya wo ik pal mein

ke meri zist ke pal pal ko sal us ne kiya

jawab koi bhi jab ban nahin saka us se

mire sawal pe ulta sawal us ne kiya

chhuri ko tez bahut tez kar ke laya wo

ajib dhang se mera khayal us ne kiya

amer us se farawaniyan jo mangen to

judaiyon se mujhe mala mal us ne kiya