میرے ہی آنسوؤں کے شکستہ بہاؤ پر

میرے ہی آنسوؤں کے شکستہ بہاؤ پر

مجھ کو بٹھا گیا کوئی کاغذ کی ناؤ پر

میرے پروں کو کاٹ کے وہ ساتھ لے گیا

اب تو میں اڑ رہا ہوں ہوا کے دباؤ پر

بگڑی ہوئی ہے چال کچھ ایسی ترے بغیر

جیسے میں چل رہا ہوں سلگتے الاؤ پر

کتنا حسین خواب دکھائی دیا مجھے

مرہم لگا رہا تھا کوئی میرے گھاؤ پر

منزل تلک پہنچنے کا کہتا رہا مگر

مجھ سے نظر چرا گیا پہلے پڑاؤ پر

اس سے کہو عمیرؔ وہ لوٹ آئے ایک بار

آئی ہوئی ہے زندگی اب چل چلاؤ پر

mere hi ansuon ke shikasta bahao par

mujh ko bitha gaya koi kaghaz ki nao par

mere paron ko kat ke wo sath le gaya

ab to main ur raha hun hawa ke dabao par

bigri hui hai chal kuchh aisi tire baghair

jaise main chal raha hun sulagte alao par

kitna hasin khwab dikhai diya mujhe

marham laga raha tha koi mere ghao par

manzil talak pahunchne ka kahta raha magar

mujh se nazar chura gaya pahle parao par

us se kaho amer wo laut ae ek bar

ai hui hai zindagi ab chal chillao par