سن رہا ہوں قربتوں میں فاصلہ ہونے کو ہے

سن رہا ہوں قربتوں میں فاصلہ ہونے کو ہے

اس قدر تو ہو گیا اب اور کیا ہونے کو ہے

جانے کیوں آنکھوں میں آنسو آ رہے ہیں دیر سے

آج پھر شاید کوئی مجھ سے جدا ہونے کو ہے

شہر کیوں سنسان ہے ویران کیوں ہیں راستے

ہو چکا ہے حادثہ یا حادثہ ہونے کو ہے

ہر طرف نعرے لگائے جا رہے ہیں انقلاب

ایسا لگتا ہے کہ پھر محشر بپا ہونے کو ہے

ہر طرف لاشیں ہیں انجمؔ ہر گلی ہے سوگوار

اور کیا اس سرزمیں پر کربلا ہونے کو ہے

sun raha hun qurbaton mein fasla hone ko hai

is qadar to ho gaya ab aur kiya hone ko hai

jane kyun ankhon mein ansu a rahe hain der se

aj phir shayad koi mujh se juda hone ko hai

shahr kyun sunsan hai wiran kyun hain raste

ho chuka hai hadisa ya hadisa hone ko hai

har taraf naare lagae ja rahe hain inqilab

aisa lagta hai ke phir mahshar bapa hone ko hai

har taraf lashen hain anjum har gali hai sogwar

aur kiya is sarzamin par karbala hone ko hai