روز کٹتے ہیں یہاں ہاتھ کمانے والے

روز کٹتے ہیں یہاں ہاتھ کمانے والے

جینے دیتے نہیں مفلس کو زمانے والے

اپنا نفرت کی سیاست سے تعلق ہی نہیں

ہم ہیں دم توڑتی قدروں کو بچانے والے

بانٹتے ہیں جو زمینوں کو کوئی اور ہیں وہ

ہم نہیں صحن میں دیوار اٹھانے والے

آخر اک دن انہیں تذلیل تو سہنا ہوگی

جو ہیں کم ظرف کا احسان اٹھانے والے

وعدۂ عشق نبھانے نہیں آتے اس کو

وہی انداز ہیں اس کے بھی زمانے والے

دیکھنا کل اسی دھرتی سے نمو پائیں گے

مفلسوں کے لیے آواز اٹھانے والے

یار یاروں کے لیے جان لٹاتے تھے عمیرؔ

اب کہاں لوگ تعلق کو نبھانے والے

roz katte hain yahan hath kamane wale

jine dete nahin muflis ko zamane wale

apna nafrat ki siyasat se taalluq hi nahin

ham hain dam torti qadron ko bachane wale

bantte hain jo zaminon ko koi aur hain wo

ham nahin sehn mein diwar uthane wale

akhir ik din unhen tazlil to sahna hogi

jo hain kam zarf ka ehsan uthane wale

waada-e-ishq nibhane nahin ate us ko

wahi andaz hain us ke bhi zamane wale

dekhna kal isi dharti se numu paenge

muflison ke liye awaz uthane wale

yar yaron ke liye jan lutate the amer

ab kahan log taalluq ko nibhane wale