تو مرے سامنے ہنستا بھی ہے روتا بھی ہے

تو مرے سامنے ہنستا بھی ہے روتا بھی ہے

کیا ترے دل میں کوئی میرے علاوہ بھی ہے

میرا دل تخت سلیمان بھی ہے میرے لیے

بعض لوگوں کے لیے ایک کھلونا بھی ہے

ترک الفت سے بھی بنجر نہ ہوئی دل کی زمیں

ہجر تیرا مری آنکھوں سے چھلکتا بھی ہے

میں نے بخشا تھا تجھے زعم حسیں ہونے کا

تھوڑا سا حق تو ترے حسن پہ میرا بھی ہے

ہجر اور وصل کے دوراہے پہ موجود ہوں میں

پوچھنا یہ تھا کوئی تیسرا رستہ بھی ہے

روز کچھ پھول دریچے میں دھرے ملتے ہیں

کیا عمیرؔ اپنا کوئی چاہنے والا بھی ہے

tu mire samne hansta bhi hai rota bhi hai

kya tire dil mein koi mere alawa bhi hai

mera dil takht-e-sulaiman bhi hai mere liye

baaz logon ke liye ek khilauna bhi hai

tark-e-ulfat se bhi banjar na hui dil ki zamin

hijr tera miri ankhon se chhalakta bhi hai

main ne bakhsha tha tujhe zaam hasin hone ka

thora sa haq to tire husn pe mera bhi hai

hijr aur wasl ke dorahe pe maujud hun main

puchhna ye tha koi tisra rasta bhi hai

roz kuchh phul dariche mein dhare milte hain

kya amer apna koi chahne wala bhi hai