یہاں تو پون صدی سے یہی کہانی ہے

یہاں تو پون صدی سے یہی کہانی ہے

اصول مر گئے طاقت کی حکمرانی ہے

جو ان کی بات نہ مانے مٹا دیا جائے

حکومتوں کی یہ عادت بہت پرانی ہے

کسی یزید کی بیعت جو میں نہیں کرتا

مری انا مرے اجداد کی نشانی ہے

بھرے ہوئے ہیں ہمارے بدن بغاوت سے

رگوں میں اپنے میاں خون ہے نہ پانی ہے

ہے معجزہ کہ لٹیرے ہیں چار سو پھر بھی

ہمارا شہر محبت کی راجدھانی ہے

نہیں ہے عقل سے اپنی مخالفت لیکن

عمیرؔ ہم نے ہمیشہ سے دل کی مانی ہے

yahan to paun sadi se yahi kahani hai

usul mar gae taqat ki hukmarani hai

jo un ki bat na mane mita diya jae

hukumaton ki ye adat bahut purani hai

kisi yazid ki baiat jo main nahin karta

miri ana mire ajdad ki nishani hai

bhare hue hain hamare badan baghawat se

ragon main apne miyan khun hai na pani hai

hai mojiza ke lutere hain char su phir bhi

hamara shahr-e-mohabbat ki rajdhani hai

nahin hai aql se apni mukhalafat lekin

amer ham ne hamesha se dil ki mani hai