خیالوں کو ترے مہلت اگر دیں

خیالوں کو ترے مہلت اگر دیں

یہ آنکھوں میں لہو کا رنگ بھر دیں

ہمیں ماضی کے نغمے مت سناؤ

یہ آوازیں ہمیں پاگل نہ کر دیں

ہمارے بس میں ہو تو شہر یاراں

تری راتوں میں بھی ہم نور بھر دیں

جہاں سر ہی نہیں ہوں گردنوں پر

وہاں جرم ضعیفی کس کے سر دیں

khayalon ko tire mohlat agar den

ye ankhon mein lahu ka rang bhar den

hamen mazi ke naghme mat sunao

ye awazen hamen pagal na kar den

hamare bas mein ho to shahr-e-yaran

tiri raton mein bhi ham nur bhar den

jahan sar hi nahin hun gardanon par

wahan jurm-e-zaifi kis ke sar den