یہ منتر بھی پرانے جام جم بھی

یہ منتر بھی پرانے جام جم بھی

بہت دیکھے ہیں یہ نقش قدم بھی

یہ ناٹک ہو رہے ہیں مدتوں سے

کہاں تک تالیاں پیٹیں گے ہم بھی

نئے سجدے نئی ہیں سجدہ گاہیں

رکھے جائیں گے بوسیدہ صنم بھی

ابھی پردے اٹھیں گے دیکھ لینا

نظر آئیں گے پس منظر میں ہم بھی

ye mantar bhi purane jam-e-jam bhi

bahut dekhe hain ye naqsh-e-qadam bhi

ye natak ho rahe hain muddaton se

kahan tak taliyan pitenge ham bhi

nae sajde nai hain sajda gahen

rakhe jaenge bosida sanam bhi

abhi parde uthenge dekh lena

nazar aenge pas manzar mein ham bhi