اب کسی تصویر کی رعنائیاں باتیں کریں

اب کسی تصویر کی رعنائیاں باتیں کریں

میں تو چپ ہوں اب مری تنہائیاں باتیں کریں

اتنی دیواروں میں اک دیوار ہی سمجھا مجھے

آ کے میرے سائے میں پرچھائیاں باتیں کریں

روکنا بھی ناروا ہے ٹوکنا بھی ناگوار

کان تب ہوتے ہیں جب رسوائیاں باتیں کریں

خود کلامی کا فسوں تنہائیوں کی گفتگو

اس سے تو بہتر ہے جب پرچھائیاں باتیں کریں

قافلے کی تو سماعت اور زباں تک لٹ گئی

ہندسوں کے دشت میں پروائیاں باتیں کریں

یہ در و دیوار یہ چھت جو کبھی گرتی نہیں

میرے اٹھنے تک یہی پہنائیاں باتیں کریں

ab kisi taswir ki raanaiyan baten karen

main to chup hun ab miri tanhaiyan baten karen

itni diwaron mein ik diwar hi samjha mujhe

a ke mere sae mein parchhaiyan baten karen

rokna bhi narawa hai tokna bhi nagawar

kan tab hote hain jab ruswaiyan baten karen

khud kalami ka fusun tanhaiyon ki guftugu

us se to behtar hai jab parchhaiyan baten karen

qafile ki to samaat aur zaban tak lut gai

hindson ke dasht mein purwaiyan baten karen

ye dar-o-diwar ye chhat jo kabhi girti nahin

mere uthne tak yahi pahnaiyan baten karen