کٹ گئیں جب جوش اظہار ہنر میں انگلیاں

کٹ گئیں جب جوش اظہار ہنر میں انگلیاں

تب کہیں ڈوبیں مرے خون جگر میں انگلیاں

دیکھیے انجام کیا ہو اب وفا کی راہ پر

ہم پہ تو اٹھی ہیں آغاز سفر میں انگلیاں

آخر شب میں دیا خود کو بنایا تھا کبھی

آج بھی جلتی ہیں امید سحر میں انگلیاں

لکھ رہی ہیں ریگ ساحل پر انوکھی خواہشیں

آ گئی ہیں تیری باتوں کے اثر میں انگلیاں

روشنی لکھی ہے میں نے گو مجھے معلوم تھا

کاٹ دی جاتی ہیں اس اندھے نگر میں انگلیاں

لاش کے ہاتھوں پہ ہیں کیسے نشاں زنجیر کے

کس کی جانب اٹھ رہی ہیں اس خبر میں انگلیاں

kat gain jab josh-e-izhar-e-hunar mein ungliyan

tab kahin duben mire khun-e-jigar mein ungliyan

dekhiye anjam kya ho ab wafa ki rah par

ham pe to uthi hain aghaz-e-safar mein ungliyan

akhir-e-shab mein diya khud ko banaya tha kabhi

aj bhi jalti hain ummid-e-sahar mein ungliyan

likh rahi hain reg-e-sahil par anokhi khwahishen

a gai hain teri baton ke asar mein ungliyan

raushni likhi hai main ne go mujhe maalum tha

kat di jati hain is andhe nagar mein ungliyan

lash ke hathon pe hain kaise nishan zanjir ke

kis ki janib uth rahi hain is khabar mein ungliyan