دل پر دھڑکن دھڑکن پر وہم اتارے جاتے ہیں

دل پر دھڑکن دھڑکن پر وہم اتارے جاتے ہیں

ہم اپنے ہی خوف کے ہاتھوں مارے جاتے ہیں

دیکھوں تو آئینے کا زنگار سلگتا ہے

بند کروں تو آنکھوں کے انگارے جاتے ہیں

ڈھونڈ رہے ہیں کب سے اپنے لہجے کا تریاک

لفظ ہمارے ہم پر ہی پھنکارے جاتے ہیں

نئے پرندے نئی اڑانیں نئی سحر کے گیت

بیداروں پر روشن خواب اتارے جاتے ہیں

آدرشوں کی ڈار کا پیچھا کرتے گلہ بان

اپنے خوابوں کی سرحد پر مارے جاتے ہیں

داد فروشی کاسہ لیسی بار شناسائی

محفل محفل کیا کیا قرض اتارے جاتے ہیں

dil par dharkan dharkan par wahm utare jate hain

ham apne hi khauf ke hathon mare jate hain

dekhun to aine ka zangar sulagta hai

band karun to ankhon ke angare jate hain

dhund rahe hain kab se apne lahje ka tiryak

lafz hamare ham par hi phunkare jate hain

nae parinde nai uranen nai sahar ke git

bedaron par raushan khwab utare jate hain

adarshon ki dar ka pichha karte gila ban

apne khwabon ki sarhad par mare jate hain

dad faroshi kasa lesi bar shanasai

mahfil mahfil kya kya qarz utare jate hain