کیا جرم ہمارا ہے بتا کیوں نہیں دیتے

کیا جرم ہمارا ہے بتا کیوں نہیں دیتے

مجرم ہیں اگر ہم تو سزا کیوں نہیں دیتے

کیا جلوۂ معنی ہے دکھا کیوں نہیں دیتے

دیوار حجابات گرا کیوں نہیں دیتے

تم کو تو بڑا ناز مسیحائی تھا یارو

بیمار ہے ہر شخص دوا کیوں نہیں دیتے

کس دشت میں گم ہو گئے احباب ہمارے

ہم کان لگائے ہیں صدا کیوں نہیں دیتے

کم ظرف ہیں جو پی کے بہت کے ہیں سر بزم

محفل سے انہیں آپ اٹھا کیوں نہیں دیتے

کیوں ہاتھ میں لرزہ ہے تمہیں خوف ہے کس کا

ہم حرف غلط ہیں تو مٹا کیوں نہیں دیتے

کچھ لوگ ابھی عشق میں گستاخ بہت ہیں

آداب وفا ان کو سکھا کیوں نہیں دیتے

نغمہ وہی نغمہ ہے اتر جائے جو دل میں

دنیا کو حفیظؔ آپ بتا کیوں نہیں دیتے

kya jurm hamara hai bata kyun nahin dete

mujrim hain agar ham to saza kyun nahin dete

kya jalwa-e-maani hai dikha kyun nahin dete

diwar hijabat gira kyun nahin dete

tum ko to bara naz masihai tha yaro

bimar hai har shakhs dawa kyun nahin dete

kis dasht mein gum ho gae ahbab hamare

ham kan lagae hain sada kyun nahin dete

kam zarf hain jo pi ke bahut ke hain sar-e-bazm

mahfil se unhen ap utha kyun nahin dete

kyun hath mein larza hai tumhen khauf hai kis ka

ham harf-e-ghalat hain to mita kyun nahin dete

kuchh log abhi ishq mein gustakh bahut hain

adab-e-wafa un ko sikha kyun nahin dete

naghma wahi naghma hai utar jae jo dil mein

duniya ko hafiz ap bata kyun nahin dete