پھیلا نہ یوں خلوص کی چادر مرے لئے

پھیلا نہ یوں خلوص کی چادر مرے لئے

کل تک تھا تیرے ہاتھ میں پتھر مرے لئے

پلکوں پہ کچھ حسین سے موتی سجا گیا

پھر سونی سونی شام کا منظر مرے لئے

دیوار و در سے اس کے ٹپکتی ہے تشنگی

اک دشت بے کراں ہے مرا گھر مرے لئے

خوشبو جو پیار کی مجھے دیتا تھا اب وہی

رکھتا ہے دست ناز میں خنجر مرے لئے

یہ شب بڑی طویل ہے جاؤں کہاں ولیؔ

اب بند ہو چکے ہیں سبھی در مرے لئے

phaila na yun khulus ki chadar mire liye

kal tak tha tere hath mein patthar mire liye

palkon pe kuchh hasin se moti saja gaya

phir suni suni sham ka manzar mire liye

diwar-o-dar se us ke tapakti hai tishnagi

ik dasht-e-be karan hai mira ghar mire liye

khushbu jo pyar ki mujhe deta tha ab wahi

rakhta hai dast-e-naz mein khanjar mire liye

ye shab bari tawil hai jaun kahan wali

ab band ho chuke hain sabhi dar mire liye