بہت ٹوٹا ہوں لیکن حوصلہ زندہ بہت کچھ ہے

بہت ٹوٹا ہوں لیکن حوصلہ زندہ بہت کچھ ہے

مرے اندر ابھی ایثار کا جذبہ بہت کچھ ہے

عطا کی ہے اسی نے زندگی کو کرب کی دولت

مگر اس میں مرے دل کا بھی سرمایہ بہت کچھ ہے

بچاتا ہے کہاں یہ دوپہر کی دھوپ سے ہم کو

یوں کہنے کو یہاں دیوار کا سایہ بہت کچھ ہے

محبت کا جسے آسیب کہتے ہیں جہاں والے

مرے دل پر اسی آسیب کا سایہ بہت کچھ ہے

وہ آیا ہے نہ آئے گا بجھا دے یاد کی شمعیں

دل ناداں کو تنہائی میں سمجھایا بہت کچھ ہے

کوئی دو گھونٹ پی کر جی تو سکتا ہے ولیؔ لیکن

کسی دریا سے تشنہ لب گزر جانا بہت کچھ ہے

bahut tuta hun lekin hausla zinda bahut kuchh hai

mire andar abhi isar ka jazba bahut kuchh hai

ata ki hai usi ne zindagi ko karb ki daulat

magar is mein mire dil ka bhi sarmaya bahut kuchh hai

bachata hai kahan ye dopahar ki dhup se ham ko

yun kahne ko yahan diwar ka saya bahut kuchh hai

mohabbat ka jise aseb kahte hain jahan wale

mire dil par isi aseb ka saya bahut kuchh hai

wo aya hai na aega bujha de yad ki shamen

dil-e-nadan ko tanhai mein samjhaya bahut kuchh hai

koi do ghunt pi kar ji to sakta hai wali lekin

kisi dariya se tishna lab guzar jana bahut kuchh hai