صحن چمن سے ہم نہ بیاباں سے آئے ہیں

صحن چمن سے ہم نہ بیاباں سے آئے ہیں

برباد ہو کے کوچۂ جاناں سے آئے ہیں

ناکام شوق کوچۂ جاناں سے آئے ہیں

کیا شادماں گئے تھے پشیماں سے آئے ہیں

ہو یا مزاج اہل قفس پر گراں نہ ہو

ہم اک پیام لے کے گلستاں سے آئے ہیں

کیوں کر یہ راز دشت نشینوں پہ فاش ہو

کچھ بد نصیب صحن گلستاں سے آئے ہیں

اہل خرد پہ کرتے ہیں اہل جنوں یہ طنز

گلشن کے مدعی ہیں بیاباں سے آئے ہیں

دنیا چراغ لالۂ صحرا کہے جسے

دل میں وہ داغ لے کے گلستاں سے آئے ہیں

sehn-e-chaman se ham na bayaban se ae hain

barbad ho ke kucha-e-janan se ae hain

nakam-e-shauq kucha-e-janan se ae hain

kya shadman gae the pasheman se ae hain

ho ya mizaj-e-ahl-e-qafas par giran na ho

ham ik payam le ke gulistan se ae hain

kyun kar ye raz dasht nashinon pe fash ho

kuchh bad nasib sehn-e-gulistan se ae hain

ahl-e-khirad pe karte hain ahl-e-junun ye tanz

gulshan ke muddai hain bayaban se ae hain

duniya charagh-e-lala-e-sahra kahe jise

dil mein wo dagh le ke gulistan se ae hain