غم سے جب فیضیاب ہوتا ہے

غم سے جب فیضیاب ہوتا ہے

دل بشکل رباب ہوتا ہے

عشق جب ہم رکاب ہوتا ہے

ہر قدم کامیاب ہوتا ہے

دیدۂ شوق کیوں ہے محو جمال

حسن مثل سراب ہوتا ہے

لے چلا تو ہے ان کی بزم میں دل

دیکھیے باریاب ہوتا ہے

کتنے ہی وہ قریب ہوں زیدیؔ

اجتناب اجتناب ہوتا ہے

gham se jab faizyab hota hai

dil-e-bashkal rabab hota hai

ishq jab ham rikab hota hai

har qadam kamyab hota hai

dida-e-shauq kyun hai mahw-e-jamal

husn misl-e-sarab hota hai

le chala to hai un ki bazm mein dil

dekhiye baryab hota hai

kitne hi wo qarib hun zidi

ijtinab ijtinab hota hai