کہوں بھی تو کہوں اس کے سوا کیا

کہوں بھی تو کہوں اس کے سوا کیا

کہ میں کیا اور میرا مدعا کیا

تری محفل سے اے رشک مسیحا

غم دل کے سوا دل کو ملا کیا

ترے دامن میں دولت دو جہاں کی

مرے دامن میں دامن کے سوا کیا

گلستاں ھجلۂ غم بن گیا ہے

عروس لالہ و گل کا پتا کیا

سر ساحل چراغاں ہو رہا ہے

سفینہ پھر بھنور میں آ گیا کیا

تمہاری شان استغنا سلامت

مرے حال زبوں کا پوچھنا کیا

خمار آگیں نظر مغموم چہرہ

کہیں جام محبت پی لیا کیا

تمناؤں کا میری خون کر کے

تمہیں جان تمنا مل گیا کیا

kahun bhi to kahun us ke siwa kya

ke main kya aur mera muddaa kya

tiri mahfil se ai rashk-e-masiha

gham-e-dil ke siwa dil ko mila kya

tire daman mein daulat do jahan ki

mire daman mein daman ke siwa kya

gulistan hajla-e-gham ban gaya hai

urus-e-lala-o-gul ka pata kya

sar-e-sahil charaghan ho raha hai

safina phir bhanwar mein a gaya kya

tumhari shan-e-istighna salamat

mire hal-e-zabun ka puchhna kya

khumar agin nazar maghmum chehra

kahin jam-e-mohabbat pi liya kya

tamannaon ka meri khun kar ke

tumhen jan-e-tamanna mil gaya kya