اب انجمن میں وہ یاران غم گسار کہاں

اب انجمن میں وہ یاران غم گسار کہاں

نگاہ لطف کہاں ہم کہاں بہار کہاں

چلے بھی آئیے آنا ہے تو خدا کے لئے

نگاہ شوق کو اب تاب انتظار کہاں

ہے میکدہ تو مگر میکدے میں اے ساقی

خیال خاطر رندان بادہ خوار کہاں

سرور جس سے میسر تھا دیدہ و دل کو

کسی کی آنکھوں میں باقی وہ اب خمار کہاں

وہ بد نصیب ہوں میرے نصیب کا زیدیؔ

چمن میں سبزہ کہاں دشت میں غبار کہاں

ab anjuman mein wo yaran-e-gham gusar kahan

nigah-e-lutf kahan ham kahan bahar kahan

chale bhi aiye ana hai to khuda ke liye

nigah-e-shauq ko ab tab intizar kahan

hai maikada to magar maikade mein ai saqi

khayal-e-khatir rindan-e-bada khwar kahan

surur jis se muyassar tha dida-o-dil ko

kisi ki ankhon mein baqi wo ab khumar kahan

wo bad nasib hun mere nasib ka zidi

chaman mein sabza kahan dasht mein ghubar kahan