اے چارہ ساز کاہش درد نہاں نہ پوچھ

اے چارہ ساز کاہش درد نہاں نہ پوچھ

کچھ اور پوچھ مجھ سے مری داستاں نہ پوچھ

سب کچھ ہوا ہے دوست جہان خراب میں

احوال گلستاں کرم باغباں نہ پوچھ

کیا مصلحت تھی کس لئے مجبور ہو گئے

کیوں رک گئی ہے آ کے لبوں پر فغاں نہ پوچھ

گزرے ہیں لاکھ حادثے راہ حیات میں

کیا کیا بتاؤں قصۂ عمر رواں نہ پوچھ

ماضی کے نقش ذہن میں باقی نہیں رہے

تھا کس جگہ چمن میں مرا آشیاں نہ پوچھ

ai chara saz kahish-e-dard-e-nihan na puchh

kuchh aur puchh mujh se miri dastan na puchh

sab kuchh hua hai dost jahan-e-kharab mein

ahwal-e-gulsitan karam-e-baghban na puchh

kya maslahat thi kis liye majbur ho gae

kyun ruk gai hai a ke labon par fughan na puchh

guzre hain lakh hadse rah-e-hayat mein

kya kya bataun qissa-e-umr-e-rawan na puchh

mazi ke naqsh zehn mein baqi nahin rahe

tha kis jagah chaman mein mira ashiyan na puchh