تجلی سے تری معمور ہونا

تجلی سے تری معمور ہونا

کوئی دیکھے مرا مغرور ہونا

اسی کا نام شاید زندگی ہے

کبھی ہنسنا کبھی رنجور ہونا

تری محفل میں آکر ہم نے دیکھا

کسی مختار کا مجبور ہونا

حقیقت میں ہے معراج محبت

تمناؤں کا دل سے دور ہونا

نہ بن جائے کوئی تازہ مصیبت

دل نادان کا مسرور ہونا

ذرا فرصت ملے تو دیکھ جاؤ

دل زیدیؔ کا غم سے چور ہونا

tajalli se tiri maamur hona

koi dekhe mira maghrur hona

usi ka nam shayad zindagi hai

kabhi hansna kabhi ranjur hona

tiri mahfil mein akar ham ne dekha

kisi mukhtar ka majbur hona

haqiqat mein hai meraj-e-mohabbat

tamannaon ka dil se dur hona

na ban jae koi taza musibat

dil nadan ka masrur hona

zara fursat mile to dekh jao

dil-e-zidi ka gham se chur hona