جب تری بزم سے اٹھ کر کوئی ناشاد آیا

جب تری بزم سے اٹھ کر کوئی ناشاد آیا

اپنے انجام کا آغاز مجھے یاد آیا

میری بربادی میں کیا کوئی کسر باقی ہے

آپ کا حسن تغافل جو مجھے یاد آیا

خیر گزری کہ زباں پر نہ شکایت آئی

ذکر بیداد ترا جب ستم ایجاد آیا

آپ کہئے کہ ہے آخر یہ کہاں کا انصاف

جب گلستاں میں بہار آئی تو صیاد آیا

یہ مقدر ہے تجسس میں سکون دل کے

دیر میں پہنچے تو کعبے کا خدا یاد آیا

قصۂ رنج و الم آج سنانے زیدیؔ

تیری سرکار میں پہنچا تھا نہ کچھ یاد آیا

jab tiri bazm se uth kar koi nashad aya

apne anjam ka aghaz mujhe yad aya

meri barbadi mein kya koi kasar baqi hai

ap ka husn taghaful jo mujhe yad aya

khair guzri ke zaban par na shikayat ai

zikr-e-bedad tira jab sitam ijad aya

ap kahiye ke hai akhir ye kahan ka insaf

jab gulistan mein bahar ai to sayyad aya

ye muqaddar hai tajassus mein sukun-e-dil ke

der mein pahunche to kaabe ka khuda yad aya

qissa-e-ranj-o-alam aj sunane zidi

teri sarkar mein pahuncha tha na kuchh yad aya