مقصود جان و دل شہ ذیشان آپؐ ہیں

مقصود جان و دل شہ ذیشان آپؐ ہیں

حقا کہ میرا دیں مرا ایمان آپؐ ہیں

تخلیق کائنات ہے منسوب آپؐ سے

عنوان زندگی بہر عنوان آپ ہیں

ہم عاصیوں کے پاس کچھ اس کے سوا نہیں

بخشش کا ہے اگر کوئی سامان آپؐ ہیں

انسانیت کی کرتی ہے تکمیل جس کی ذات

واللہ اس جہاں میں وہ انسان آپؐ ہیں

دنیا کی جستجو ہے نہ عقبیٰ کی آرزو

میری نظر کے سامنے ہر آن آپؐ ہیں

طوفاں میں ناخدا کی ضرورت نہیں مجھے

میں آپؐ کا ہوں میرے نگہبان آپؐ ہیں

اللہ کا وجود تو دیکھا نہیں مگر

اللہ کے وجود کی پہچان آپؐ ہیں

زیدیؔ بیاں صفات ہوں کیا مختصر یہ ہے

ہم پر خدا کی ذات کا احسان آپؐ ہیں

maqsud jan-o-dil shah zishan ap hain

haqqa ke mera den mira iman ap hain

takhliq-e-kainat hai mansub ap se

unwan-e-zindagi bahr unwan ap hain

ham asiyon ke pas kuchh us ke siwa nahin

bakhshish ka hai agar koi saman ap hain

insaniyat ki karti hai takmil jis ki zat

wallah is jahan mein wo insan ap hain

duniya ki justuju hai na uqba ki arzu

meri nazar ke samne har an ap hain

tufan mein nakhuda ki zarurat nahin mujhe

main ap ka hun mere nigahban ap hain

allah ka wajud to dekha nahin magar

allah ke wajud ki pahchan ap hain

zidi bayan sifat hun kya mukhtasar ye hai

ham par khuda ki zat ka ehsan ap hain