رات کا نام سویرا ہی سہی

رات کا نام سویرا ہی سہی

آپ کہتے ہیں تو ایسا ہی سہی

کیا برائی ہے اگر دیکھ لیں ہم

زندگی ایک تماشا ہی سہی

کچھ تو کاندھوں پہ لیے ہیں ہم لوگ

اپنے ارمانوں کا لاشہ ہی سہی

پیچھے ہٹنا ہمیں منظور نہیں

سامنے آگ کا دریا ہی سہی

کیا ضروری ہے کہ میں نام بھی لوں

میرا دشمن کوئی اپنا ہی سہی

آئنہ دیکھ کے ڈر جاتا ہوں

آئنہ میرا شناسا ہی سہی

میرا قد آپ سے اونچا ہے بہت

میں حفیظؔ آپ کا سایا ہی سہی

rat ka nam sawera hi sahi

ap kahte hain to aisa hi sahi

kya burai hai agar dekh len ham

zindagi ek tamasha hi sahi

kuchh to kandhon pe liye hain ham log

apne armanon ka lasha hi sahi

pichhe hatna hamen manzur nahin

samne ag ka dariya hi sahi

kya zaruri hai ke main nam bhi lun

mera dushman koi apna hi sahi

aina dekh ke dar jata hun

aina mera shanasa hi sahi

mera qad ap se uncha hai bahut

main hafiz ap ka saya hi sahi