پہلے کچھ دن مرے زخموں کی نمائش ہوگی

پہلے کچھ دن مرے زخموں کی نمائش ہوگی

پھر مرے حال پہ اس بت کی نوازش ہوگی

ہاں بظاہر تو دھرا جائے گا قاتل لیکن

پس پردہ اسی قاتل کی سفارش ہوگی

پیاسی دھرتی یوں ہی پیاسی ہی رہے گی یارو

اور دریا پہ مسلسل یہاں بارش ہوگی

جس طرح ٹوٹے ہوئے پتے بکھر جاتے ہیں

ہم بکھر جائیں اسی طور یہ سازش ہوگی

کس کو معلوم ہے جو راز مشیت ہے عبیدؔ

جانے کس بات پہ کس شخص کی بخشش ہوگی

pahle kuchh din mire zakhmon ki numaish hogi

phir mire hal pe us but ki nawazish hogi

han bazahir to dhara jaega qatil lekin

pas parda usi qatil ki sifarish hogi

pyasi dharti yun hi pyasi hi rahegi yaro

aur dariya pe musalsal yahan barish hogi

jis tarah tute hue patte bikhar jate hain

ham bikhar jaen isi taur ye sazish hogi

kis ko maalum hai jo raz mashiyyat hai ubaid

jane kis bat pe kis shakhs ki bakhshish hogi