عجیب بات ہے بیمار ہے نہیں بھی ہے

عجیب بات ہے بیمار ہے نہیں بھی ہے

یہ دل تمہارا طلب گار ہے نہیں بھی ہے

ہیں ممکنات نہاں اس ادا میں شوخی میں

لبوں پہ ان کے جو انکار ہے نہیں بھی ہے

ہے کیسا عزم سفر کیسی چاہت منزل

سفر کو کارواں تیار ہے نہیں بھی ہے

یہ اپنی اپنی سمجھ ہے یہ اپنا اپنا شعور

سفر حیات کا دشوار ہے نہیں بھی ہے

یہ وقت وقت پہ ہے منحصر جو سچ پوچھیں

عبیدؔ آپ کا خوددار ہے نہیں بھی ہے

ajib bat hai bimar hai nahin bhi hai

ye dil tumhara talab gar hai nahin bhi hai

hain mumkinat nihan is ada mein shokhi mein

labon pe un ke jo inkar hai nahin bhi hai

hai kaisa azm-e-safar kaisi chahat manzil

safar ko karwan tayyar hai nahin bhi hai

ye apni apni samajh hai ye apna apna shuur

safar hayat ka dushwar hai nahin bhi hai

ye waqt waqt pe hai munhasir jo sach puchhen

ubaid ap ka khuddar hai nahin bhi hai