کہانی کچھ بھی نہیں تھی بیاں زیادہ تھا

کہانی کچھ بھی نہیں تھی بیاں زیادہ تھا

ذرا سی آگ لگی تھی دھواں زیادہ تھا

وہ کارواں میں نہ تھا ایسی کوئی بات نہیں

بچھڑ گیا تھا کہ وہ بد گماں زیادہ تھا

بس اس سبب سے نہ راس آ سکی ہمیں یہ زمیں

کہ اپنے ذہن میں یہ آسماں زیادہ تھا

میں اس کے ساتھ سفر کر سکا نہ دور تلک

کہ لفظ لفظ وہ مجھ پر عیاں زیادہ تھا

تو اس میں کیا ہے تعجب ہوئے جو آپ تباہ

عبیدؔ آپ پہ وہ مہرباں زیادہ تھا

kahani kuchh bhi nahin thi bayan ziyada tha

zara si ag lagi thi dhuan ziyada tha

wo karwan mein na tha aisi koi bat nahin

bichhar gaya tha ke wo bad guman ziyada tha

bas is sabab se na ras a saki hamen ye zamin

ke apne zehn mein ye asman ziyada tha

main us ke sath safar kar saka na dur talak

ke lafz lafz wo mujh par ayan ziyada tha

to is mein kya hai taajjub hue jo ap tabah

ubaid ap pe wo mehrban ziyada tha