اپنا محاسبہ کبھی کرنے نہیں دیا

اپنا محاسبہ کبھی کرنے نہیں دیا

خود بینیوں نے ہم کو سنورنے نہیں دیا

حالات نے اگرچہ سجھائی گداگری

میری انا نے مجھ کو بکھرنے نہیں دیا

طوفاں سے کھیلنے کا رہا شوق عمر بھر

ساحل پہ جس نے مجھ کو اترنے نہیں دیا

المایوں میں قید رہا اپنا سارا علم

قلب و نظر کو ہم نے نکھرنے نہیں دیا

دنیا سے کب کا اٹھ گیا ہوتا میں اے صنم

لیکن ترے خیال نے مرنے نہیں دیا

منزل تو میرے سامنے آتی رہی عبیدؔ

جوش جنوں نے مجھ کو ٹھہرنے نہیں دیا

apna muhasaba kabhi karne nahin diya

khud biniyon ne ham ko sanwarne nahin diya

halat ne agarche sujhai gadagari

meri ana ne mujh ko bikharne nahin diya

tufan se khelne ka raha shauq umr bhar

sahil pe jis ne mujh ko utarne nahin diya

alamiyon mein qaid raha apna sara ilm

qalb-o-nazar ko ham ne nikharne nahin diya

duniya se kab ka uth gaya hota main ai sanam

lekin tire khayal ne marne nahin diya

manzil to mere samne ati rahi ubaid

josh-e-junun ne mujh ko thaharne nahin diya