ہمیں تو گوشہ نشیں اور جہاں بھی ہونا ہے

ہمیں تو گوشہ نشیں اور جہاں بھی ہونا ہے

یہاں بھی ہونا ہے ہم کو وہاں بھی ہونا ہے

نشان بھی ہے لگانا نشاں بھی ہونا ہے

مکاں میں رہتے ہوئے لا مکاں بھی ہونا ہے

اس احتیاط سے کرنا ہے زندگی اپنی

اکیلا چلنا ہے اور کارواں بھی ہونا ہے

زمیں میں رکھتے ہیں پیوست اپنی دنیا کو

زمیں پہ رہتے ہوئے آسماں بھی ہونا ہے

اک ایسی قید بھی اب خود پہ یوں لگانی ہے

زبان رکھتے ہوئے بے زباں بھی ہونا ہے

hamen to gosha nashin aur jahan bhi hona hai

yahan bhi hona hai ham ko wahan bhi hona hai

nishan bhi hai lagana nishan bhi hona hai

makan mein rahte hue la makan bhi hona hai

is ehtiyat se karna hai zindagi apni

akela chalna hai aur karwan bhi hona hai

zamin mein rakhte hain paiwast apni duniya ko

zamin pe rahte hue asman bhi hona hai

ik aisi qaid bhi ab khud pe yun lagani hai

zaban rakhte hue be zaban bhi hona hai