کچھ سوچ کے پروانہ محفل میں جلا ہوگا

کچھ سوچ کے پروانہ محفل میں جلا ہوگا

شاید اسی مرنے میں جینے کا مزا ہوگا

ہر سعی تبسم پر آنسو نکل آئے ہیں

انجام طرب کوشی کیا جانئے کیا ہوگا

گمراہ محبت ہوں پوچھو نہ مری منزل

ہر نقش قدم میرا منزل کا پتا ہوگا

کیا تیرا مداوا ہو درد شب تنہائی

چپ رہئے تو بربادی کہئے تو گلا ہوگا

کترا کے تو جاتے ہو دیوانے کے رستے سے

میخانے سے مسجد تک ملتے ہیں نقوش پا

یا شیخ گئے ہوں گے یا رند گیا ہوگا

فرزانوں کا کیا کہنا ہر بات پہ لڑتے ہیں

رندوں کو حفیظؔ اتنا سمجھا دے کوئی جا کر

آپس میں لڑو گے تم واعظ کا بھلا ہوگا

kuchh soch ke parwana mahfil mein jala hoga

shayad isi marne mein jine ka maza hoga

har sai-e-tabassum par ansu nikal ae hain

anjam-e-tarab koshi kiya janiye kya hoga

gumrah-e-mohabbat hun puchho na miri manzil

har naqsh-e-qadam mera manzil ka pata hoga

kya tera mudawa ho dard-e-shab-e-tanhai

chup rahiye to barbadi kahiye to gila hoga

katra ke to jate ho diwane ke raste se

maikhane se masjid tak milte hain nuqush-e-pa

ya shaikh gae honge ya rind gaya hoga

farzanon ka kya kahna har bat pe larte hain

rindon ko hafiz itna samjha de koi ja kar

apas mein laroge tum waiz ka bhala hoga