تو اب حالت میں اپنی یوں بھی تبدیلی نہیں ہوتی

تو اب حالت میں اپنی یوں بھی تبدیلی نہیں ہوتی

یہ مٹی خون بھی پی کر کبھی گیلی نہیں ہوتی

ہوا جاتا ہے قدرت کے اصولوں میں دخیل انساں

ہوا اب تو دسمبر میں بھی برفیلی نہیں ہوتی

چلو آنکھوں سے اب کے بات کر کے دیکھتے ہیں ہم

زباں سے بات تو ہوتی ہے تفصیلی نہیں ہوتی

وہ جو محسوس کرتی ہے بیاں کرتی ہے اب کھل کر

ہمیں ہے شوق ایسا ٹھوکروں کو آزمانے کا

کہ اس رہ پر نہیں چلتے جو پتھریلی نہیں ہوتی

سنبھل کر اے عبیدؔ خوش گماں رہنا ٹھہر کر یاں

بلا مقصد میاں رسی کبھی ڈھیلی نہیں ہوتی

to ab halat main apni yun bhi tabdili nahin hoti

ye mitti khun bhi pi kar kabhi gili nahin hoti

hawa jata hai qudrat ke usulon mein dakhil insan

hawa ab to disambar mein bhi barfili nahin hoti

chalo ankhon se ab ke bat kar ke dekhte hain ham

zaban se bat to hoti hai tafsili nahin hoti

wo jo mahsus karti hai bayan karti hai ab khul kar

hamen hai shauq aisa thokaron ko azmane ka

ke is rah par nahin chalte jo pathrili nahin hoti

sambhal kar ai ubaid khush guman rahna thahar kar yan

bala maqsad miyan rassi kabhi dhili nahin hoti