جستجو کے سفر میں رہتے ہیں

جستجو کے سفر میں رہتے ہیں

ہم کہ پیہم خبر میں رہتے ہیں

ہم کو کس کی نظر میں رہنا تھا

اور اس کی نظر میں رہتے ہیں

آرزو تم ہماری مت کرنا

ہم دعا کے اثر میں رہتے ہیں

ہم نوا اپنا کوئی بن نہ سکا

یوں تو پیہم سفر میں رہتے ہیں

کل تلک تھے چراغ راہ گزر

بجھ گئے ہم تو گھر میں رہتے ہیں

جڑ رہی ہے عمل سے یہ دنیا

ہم اگر اور مگر میں رہتے ہیں

عیب کیوں کر ہوں بے ہنر میں عبیدؔ

عیب تو با ہنر میں رہتے ہیں

justuju ke safar mein rahte hain

ham ke paiham khabar mein rahte hain

ham ko kis ki nazar mein rahna tha

aur us ki nazar mein rahte hain

arzu tum hamari mat karna

ham dua ke asar mein rahte hain

ham nawa apna koi ban na saka

yun to paiham safar mein rahte hain

kal talak the charagh-e-rah guzar

bujh gae ham to ghar mein rahte hain

jur rahi hai amal se ye duniya

ham agar aur magar main rahte hain

aib kyun kar hun be hunar mein ubaid

aib to ba hunar mein rahte hain