لگا کے دل کبھی آنسو بھی ہم بہا نہ سکے

لگا کے دل کبھی آنسو بھی ہم بہا نہ سکے

لگی جو آگ جگر میں اسے بجھا نہ سکے

کیا ضعیف ترے قصد جستجو نے ہمیں

کہ تا لحد بھی ہم اپنے قدم سے جا نہ سکے

وہ آج بزم میں تیور چڑھائے آئے ہیں

کہ حال دل کوئی اپنا انہیں سنا نہ سکے

ازل سے نام پہ میرے فروغ لکھا تھا

وہ مجھ کو لاکھ مٹایا کئے مٹا نہ سکے

سلا کے قبر میں دیتے ہو تھپکیاں صاحب

کہ مجھ کو شور قیامت بھی اب جگا نہ سکے

ہمارا دولت دنیا نے سر بلند کیا

کہ در پہ دوست کے سجدے کو سر جھکا نہ سکے

ہمارے دل میں لکھی تھی مگر تری الفت

کہ ہم جمال جہاں سے فریب کھا نہ سکے

برا ہو رنگ رخ نا مراد کا عالیؔ

کسی کا راز کلیجہ میں ہم چھپا نہ سکے

laga ke dil kabhi ansu bhi ham baha na sake

lagi jo ag jigar mein use bujha na sake

kiya zaif tire qasd-e-justuju ne hamen

ke ta lahad bhi ham apne qadam se ja na sake

wo aj bazm mein tewar charhae ae hain

ke hal-e-dil koi apna unhen suna na sake

azal se nam pe mere farogh likha tha

wo mujh ko lakh mitaya kiye mita na sake

sula ke qabr mein dete ho thapakiyan sahab

ke mujh ko shor-e-qayamat bhi ab jaga na sake

hamara daulat-e-duniya ne sar buland kiya

ke dar pe dost ke sajde ko sar jhuka na sake

hamare dil mein likhi thi magar tiri ulfat

ke ham jamal jahan se fareb kha na sake

bura ho rang-e-rukh na murad ka ali

kisi ka raz kaleja mein ham chhupa na sake