نظر دیکھتے ہیں جگر دیکھتے ہیں

نظر دیکھتے ہیں جگر دیکھتے ہیں

تجھے ہر طرف جلوہ گر دیکھتے ہیں

وہ ہنس کر ادا سے جدھر دیکھتے ہیں

زمانے کو زیر و زبر دیکھتے ہیں

یہی ہیں جو خود بینیاں تو تمہیں کو

لگے گی تمہاری نظر دیکھتے ہیں

رہی جب نہ پاؤں اٹھانے کی طاقت

کھلے آج زنداں کے در دیکھتے ہیں

کہیں آ بھی او صبح امید عالم

تری راہ مرغ سحر دیکھتے ہیں

پلٹ کر وہ آئے ہیں میت سے میری

یہی خواب ہم رات بھر دیکھتے ہیں

جو ممکن نہیں تیرے در تک رسائی

تو بیٹھے تری رہ گزر دیکھتے ہیں

کہیں باغ میں گر بھڑکتے ہیں شعلے

تو گھبرا کے ہم بال و پر دیکھتے ہیں

چمکتے ہیں جب آسماں پر ستارے

تو ہم اپنے داغ جگر دیکھتے ہیں

nazar dekhte hain jigar dekhte hain

tujhe har taraf jalwa gar dekhte hain

wo hans kar ada se jidhar dekhte hain

zamane ko zer-o-zabar dekhte hain

yahi hain jo khud biniyan to tumhen ko

lagegi tumhari nazar dekhte hain

rahi jab na paon uthane ki taqat

khule aj zindan ke dar dekhte hain

kahin a bhi o subh-e-ummid alam

tiri rah murgh-e-sahar dekhte hain

palat kar wo ae hain mayyat se meri

yahi khwab ham rat bhar dekhte hain

jo mumkin nahin tere dar tak rasai

tu baithe tiri rah guzar dekhte hain

kahin bagh mein gar bharakte hain shole

tu ghabra ke ham bal-o-par dekhte hain

chamakte hain jab asman par sitare

to ham apne dagh-e-jigar dekhte hain