Arooz is now on the App Store, for iPhone and iPad. Download →

All poetry

کب ہے حد امکانی میں

Hafeez Banarasi (1933–2008)

کب ہے حد امکانی میں

رشتہ آگ اور پانی میں

اس کا سراپا لکھوں گا

آج قلم ہے روانی میں

چھوٹا مرا کردار سہی

شامل تو ہوں کہانی میں

میرے ماتھے پر یہ شکن

اس نے دی ہے نشانی میں

آئینہ ہے ظلم ترا

میری کرب بیانی میں

دانا کرتے ہیں جو کام

میں نے کئے نادانی میں

چوری میرے دل کی ہوئی

آنکھوں کی نگرانی میں

باپ کی دشواری کے طفیل

بچے ہیں آسانی میں

مشورہ ان کا مانا نہیں

مارے گئے من مانی میں

کاغذ کی ہے ناؤ حبیبؔ

سینہ سپر طغیانی میں