کیا کیجئے جو قدر شرافت نہیں رہی

کیا کیجئے جو قدر شرافت نہیں رہی

شاید کسی کو اس کی ضرورت نہیں رہی

دامن کشاں گزرتے ہیں اک دوسرے سے لوگ

پہلی سی اب وہ رسم مروت نہیں رہی

شاداب تھے جو پھول تو خوشبو لٹاتے تھے

پژمردہ ہو گئے تو سخاوت نہیں رہی

بتلا دیا ہے ہم کو فسادات نے یہی

خون بشر کی اب کوئی قیمت نہیں رہی

kya kijiye jo qadr sharafat nahin rahi

shayad kisi ko us ki zarurat nahin rahi

daman kashan guzarte hain ik dusre se log

pahli si ab wo rasm-e-murawwat nahin rahi

shadab the jo phul to khushbu lutate the

pazhmurda ho gae to sakhawat nahin rahi

batla diya hai ham ko fasadat ne yahi

khun-e-bashar ki ab koi qimat nahin rahi