کعبے کا پتہ اور کلیسا کا نشاں اور

کعبے کا پتہ اور کلیسا کا نشاں اور

یہ کیا کہ وہی بات یہاں اور وہاں اور

ماتھے پہ بڑھا لیجئے جھومر کے نشاں اور

بن جائے گی گردوں کے لئے کاہکشاں اور

پایا تھا ہمارے ہی دل زار کا ٹکڑا

آئینہ بنایا تھا سکندر نے کہاں اور

میں نے نہ بنایا کبھی ممتاز کا روضہ

تھی میری خلش اور غم شاہ جہاں اور

جاری رہے سرگرمیٔ الفاظ و معانی

ہاں سوز بیاں سوز بیاں سوز بیاں اور

شاداںؔ کبھی دیکھے تو تڑپ جائے زمانہ

ہوتے ہیں غم دل کی صلیبوں کے نشاں اور

kaabe ka pata aur kalisa ka nishan aur

ye kya ke wahi bat yahan aur wahan aur

mathe pe barha lijiye jhumar ke nishan aur

ban jaegi gardun ke liye kahkashan aur

paya tha hamare hi dil-e-zar ka tukra

aina banaya tha sikandar ne kahan aur

main ne na banaya kabhi mumtaz ka rauza

thi meri khalish aur gham-e-shah-e-jahan aur

jari rahe sargarmi-e-alfaz-o-maani

han soz-e-bayan soz-e-bayan soz-e-bayan aur

shadan kabhi dekhe to tarap jae zamana

hote hain gham-e-dil ki salibon ke nishan aur