راز غم افشا کروں یا راز رکھوں راز میں

راز غم افشا کروں یا راز رکھوں راز میں

حکم ہو تو کچھ سناؤں آپ کی آواز میں

تم نے ہنس کر فرق ڈالا ہے یہ سوز و ساز میں

ورنہ دونوں نغمہ زن تھے ایک ہی آواز میں

جب یہ سمجھا غم کا ہر انجام اک آغاز ہے

میں نے خود انجام شامل کر لیا آغاز میں

میں تو اچھا ہوں مگر اے چارہ گر یہ تو بتا

فرق کیوں محسوس کرتا ہوں تری آواز میں

ہو چکی ترکیب ناقوس و اذاں نا کامیاب

سوچتا ہوں اب پکاروں کونسی آواز میں

آپ سے جب آپ کے شاداںؔ کو نسبت ہی نہیں

ربط کیسا ہے یہ اس کی آپ کی آواز میں

raz-e-gham ifsha karun ya raz rakhun raz mein

hukm ho to kuchh sunaun ap ki awaz mein

tum ne hans kar farq dala hai ye soz-o-saz mein

warna donon naghma zan the ek hi awaz mein

jab ye samjha gham ka har anjam ik aghaz hai

main ne khud anjam shamil kar liya aghaz mein

main to achchha hun magar ai chara gar ye to bata

farq kyun mahsus karta hun tiri awaz mein

ho chuki tarkib naqus-o-azan na kamyab

sochta hun ab pukarun konasi awaz mein

ap se jab ap ke shadan ko nisbat hi nahin

rabt kaisa hai ye us ki ap ki awaz mein