آساں ہے کسی نہر کا پتھر سے نکلنا

آساں ہے کسی نہر کا پتھر سے نکلنا

آساں نہیں ان کا دل مضطر سے نکلنا

دریا مری فطرت ہے سمندر ہے مری ذات

دیکھے کوئی دریا کا سمندر سے نکلنا

ہر چند کہ ہے شیشہ و ساغر میں بہت کچھ

اچھا ہے مگر شیشہ و ساغر سے نکلنا

ظلمت ہے ترا نیند کی آغوش میں جانا

اک نور سحر ہے ترا بستر سے نکلنا

آسیب سے آسیب ہیں دنیا کی نظر میں

ہم راہ مجھے لے کے ہی تم گھر سے نکلنا

آتش سے تو آتش کو بجھایا نہیں جاتا

ممکن ہی نہیں امن کا خنجر سے نکلنا

اوروں کی تمنا مری فطرت نہیں شاداںؔ

رکنا ہے نہ گھبرا کے برابر سے نکلنا

asan hai kisi nahr ka patthar se nikalna

asan nahin un ka dil-e-muztar se nikalna

dariya miri fitrat hai samundar hai miri zat

dekhe koi dariya ka samundar se nikalna

har chand ke hai shisha-o-saghar mein bahut kuchh

achchha hai magar shisha-o-saghar se nikalna

zulmat hai tira nind ki aghosh mein jana

ik nur-e-sahar hai tira bistar se nikalna

aseb se aseb hain duniya ki nazar mein

ham rah mujhe le ke hi tum ghar se nikalna

atish se to atish ko bujhaya nahin jata

mumkin hi nahin amn ka khanjar se nikalna

auron ki tamanna miri fitrat nahin shadan

rukna hai na ghabra ke barabar se nikalna