فریب رنگ نہ دے جلوۂ بہار مجھے

فریب رنگ نہ دے جلوۂ بہار مجھے

عزیز تر ہیں چمن میں گلوں سے خار مجھے

مری خطاؤں پہ یہ باز پرس مالک حشر

عطا ہوا تھا کبھی دل پہ اختیار مجھے

یہ ان کی یاد یہ طوفان رنگ و بو توبہ

ملی تو درد میں ڈوبی ہوئی بہار مجھے

اب اس مقام پہ منزل ہے درد پیہم کی

کہ ہر تڑپ میں ملی لذت قرار مجھے

چمن میں رہ کے یہ محرومیاں مقدر کی

کہ میں بہار کو دیکھا کروں بہار مجھے

خدا کبھی نہ دکھائے وہ روز بد قیصرؔ

کہ آئے جلوۂ باطل کا اعتبار مجھے

fareb-e-rang na de jalwa-e-bahar mujhe

aziz tar hain chaman mein gulon se khar mujhe

miri khataon pe ye baz pars malik hashr

ata hua tha kabhi dil pe ikhtiyar mujhe

ye un ki yad ye tufan-e-rang-o-bu tauba

mili to dard mein dubi hui bahar mujhe

ab us maqam pe manzil hai dard paiham ki

ke har tarap mein mili lazzat-e-qarar mujhe

chaman mein rah ke ye mahrumiyan muqaddar ki

ke main bahar ko dekha karun bahar mujhe

khuda kabhi na dikhae wo roz-e-bad qaisar

ke ae jalwa-e-batil ka etibar mujhe