خدا کو بھولے نہ جب تک ہمیں خدا نہ ملا

خدا کو بھولے نہ جب تک ہمیں خدا نہ ملا

یہ مدعا بھی بجز ترک مدعا نہ ملا

قدم قدم پہ نہ کیوں سجدہ ریزیاں کر لوں

حضور حسن یہ موقع ملا ملا نہ ملا

کلیم طور یہ کیوں طور پر گری بجلی

نگاہ ناز کو کیا کوئی با وفا نہ ملا

اڑا کے لے گئی پرواز شوق منزل تک

عدم کی راہ میں کوئی شکستہ پا نہ ملا

قفس میں آئے اجل یا مریں نشیمن میں

دو روزہ زیست کا ہم کو کہیں مزا نہ ملا

جنون شوق کی خودداریاں معاذ اللہ

مزاج داں کوئی قیصرؔ کو رہنما نہ ملا

khuda ko bhule na jab tak hamen khuda na mila

ye muddaa bhi bajuz tark-e-muddaa na mila

qadam qadam pe na kyun sajda reziyan kar lun

huzur-e-husn ye mauqaa mila mila na mila

kalim-e-tur ye kyun tur par giri bijli

nigah-e-naz ko kya koi ba wafa na mila

ura ke le gai parwaz-e-shauq manzil tak

adam ki rah mein koi shikasta pa na mila

qafas mein ae ajal ya maren nasheman mein

do roza zist ka ham ko kahin maza na mila

junun-e-shauq ki khuddariyan maaz allah

mizaj dan koi qaisar ko rahnuma na mila