Arooz is now on the App Store, for iPhone and iPad. Download →

All poetry

یہ کیسی ہوائے غم و آزار چلی ہے

Hafeez Banarasi (1933–2008)

یہ کیسی ہوائے غم و آزار چلی ہے

خود باد بہاری بھی شرر بار چلی ہے

دیکھی ہی نہ تھی جس نے شکست آج تک اپنی

وہ چشم فسوں خیز بھی دل ہار چلی ہے

اب کوئی حدیث قد و گیسو نہیں سنتا

دنیا میں وہ رسم رسن و دار چلی ہے

تکتا ہی نہیں کوئی مے و جام کی جانب

کیا چال یہ تو نے نگہ یار چلی ہے

وہ لوگ کہاں جائیں جو کافر ہیں نہ دیں دار

پھر کشمکش کافر و دیں دار چلی ہے

بات اور بھی کچھ مے کی مذمت کے علاوہ

یہ بات تو اے شیخ کئی بار چلی ہے

معیار خرد بن کے وہ گفتار چلی ہے

سازش نہ ہو کچھ دیر و حرم والوں کی اس میں

سنتا ہوں کہ مے خانے میں تلوار چلی ہے

کب یاد کیا ہم کو حفیظؔ اہل چمن نے

جب زیست سوئے وادئ پر خار چلی ہے